真是荒謬
#毒果是民主的好朋友
#毒果早唞
個多月前，應邀接受訪問，幫蘋果谷訂閱，我個人無拒絕到，因為覺得宣傳訂閱報紙真係有需要。
但，唔知點解，訪問期間講話外國國會幕僚有睇蘋果，同埋黎智英係國際唯一認識既民主派商人。結果個標題會變成「黃之鋒打國際線靠《蘋果》」。
大佬啊，黃之鋒打國際線梗係靠眾志，或廣泛地講就係靠香港人，完全唔明點解會作左個咁既標題出來，講到「黃之鋒國際線」靠蘋果，真係唔明點解要咁樣。
仲要推notificaiton比曬全部有download蘋果App既人，我自己同眾志國際團隊睇到都覺得相當唔舒服。
唔知有無黃絲叔叔姨姨見到，之後覺得「哇原來黃之鋒去國際全靠蘋果日報，咁我一定課金支持蘋果啦」，有既話我真係喊出來，本來想課金支持眾志國際線，變左課金訂閱報紙…… :(
訪問全文：
// 2012年的反國教社會運動中，架上黑眼鏡的黃之鋒，用道理將一眾高官、政客及教育界前輩擊退，當年他只是15歲的中學生，亦是首次投入社會運動。「我好記得《蘋果日報》喺反國教大遊行之後，連續一個月裏面，基本上日日或者隔日嘅頭版都係講國民教育。」黃之鋒說。有人認為傳媒應客觀持平，黃之鋒不能完全認同，尤其在大是大非之上：「更重要係，傳媒都要喺一個咁動盪嘅政治形勢入面，持守到、企硬到佢應有嘅價值。」
近年黃之鋒主打國際線，四出到倫敦或華盛頓做游說工作，接觸到的國會議員或幕僚若懂得中文，都必定睇《蘋果》：「去接收香港抗爭嘅最新形勢。」而他過去接觸不少外國國會議員，都會好奇問他有沒有香港商人支持民主運動，黃之鋒說：「現實係，由主權移交至今，唯一一個我哋稱得上具知名度而有影響力嘅民主派商人，就只係得黎智英一個。沒有之一。」原因當然是受中共打壓，但他認為要推動香港未來的民主運動，更加需要一把堅定聲音，一個能企硬民主立場的媒體尤其重要：「我唔希望未來連唯一一個碩果僅存、可以講到支持香港民主嘅商人，都fade out埋。」//
https://hk.appledaily.com/…/202…/CRQXYWCQOXSNS6HPQTU77JSEOA/
Search